全新運動體驗！移植運動協會會員齊齊體驗「匹克球」熱潮

近年席捲全球、大人細路都啱玩嘅 Pickleball（匹克球），你試過未？匹克球結合咗網球、羽毛球同乒乓球嘅特色，簡單易學、節奏明快，絕對係同朋友一齊郁下、出一身汗嘅最新選擇！

早前，約 20 位中國香港移植運動協會嘅會員，就一齊去到位於九龍灣新開嘅室內場地 Pickle Ground，參加咗時下最流行嘅匹克球免費體驗班！

活動現場有 4 名專業教練 陪伴在側、用心教導，從最基本嘅握拍、擊球到走位都耐心示範。會員們個個都打得有板有眼，好高興可以透過今次機會聚首一堂，共同認識呢項新興運動，現場充滿歡笑聲與汗水。